anonymous, Amoris divini et humani antipathia (1628)

Table of contents ↑

← Content: PreviousContent: Next →

[Dedication]


Back to top ↑
A MESSIRE
CHARLES PERROCHEL
SEIGNEVR DE GRANDCHAMP
Conseiller du Roy en ses conseils
d’Estat & Priué, Secretaire de sa
Majefté & de ses Finances, &
grand Audiancier de France.

Monsieur,
Ce petit liuret desirant
paroistre au iour sous la
faueur de vostre nom, a pratiqué le
moyen de se descharger honorable-
ment entre vos mains d’vne obliga-
tion particuliere qu’il porte sur le

front dés le premier point de sa nais-
sance. Obligation que i’aduoüe ne
consister en autre chose apres l’hon-
neur deu à vos merites, qu’au desir
qu’il à de contenter la curiosité inno-
cente des ames deuotes & religieuses;
& nommément de celles qui tiennēt
le chemin épineux de la vertu, & qui
portées sur les aisles d’vne ambition
irreprochable de se rendre parfaictes,
ne cherchent rien plus passionnément
qu’à se former sur quelque modele de
pieté, pour de là prendre vn effort
genereux, & se porter au comble de
toutes les choses desirables, qui est
l’amour de Dieu. Et i’estime que ces
petits emblemes, tirez pour la plus-
part des sainctes Escritures, pour ex-

primer les effects diuers de l’Amour
diuin & humain, fourniront vn
motif assez puissant à toute sorte de
personnes pour desirer les attraits
aimables de l’vn, & se desfier des
appas trompeurs de l’autre: Et m’as-
seure qu’vn chacun en ressentira des
effects accompagnez de douceur &
de contentement, attendu qu’il n’y a
rien plus pressant pour exciter vne
ame à la poursuitte de quelque chose
ja d’elle-mesme souhaitable, que d’en
reconnoistre les preciputs & aduan-
tages. Aussi pourra-t’on veoir icy
comme sur vn ample theatre autant
animé de discours, qu’enrichy de
diuers personnages, les stratagemes
& surprises guerrieres non d’vn

Scipion ny d’vn Annibal, non d’vn
Cesar ny d’vn Pompée, mais des
deux plus puissans Roys qui se vi-
rent iamais, dont le spectacle n’est
moins remply de Majesté que les
choses plus releuées du monde, puis
qu’il n’y va pas de la conqueste d’v-
ne poignée de terre, ains d’vn Roy-
aume tout entier, la possession du-
quel est aussi perdurable que l’eter-
nité mesme. Mais ce qui nous doit
rehausser le courage à prendre les
armes sous les estendars de l’amour
diuin, ce sont les causes legitimes qui
le portent au combat, & les prero-
gatiues & aduantages qu’il a tous-
iours sur son aduersaire: aduantages
vrayment tres-asseurez, & dont le

maintien ne sera moins en nostre
puissance que le choix du party que
nous voudrons suyure. Tout ce que
i’ay dit, Monsieur, adioustez que
vostre bon naturel m’est cognu pour
estre desireux du progrés des ames à
la vertu, tout cela, dis-ie, me donne
esperance que ce vous sera vn diuer-
tissement aussi pieux qu’il est hon-
neste, donnant quelque relasche à
vostre esprit occupé dans les affaires
serieuses, de parcourir legerement le
contenu en ce petit volume, où ie
m’asseure que vous aurez plustost
subject d’admirer l’vtilité & con-
tentement qu’il peut apporter que la
valeur qu’il possede, si autrement,
que ie n’espere, il ne tombe entre les

mains de ceux qui sans aucun senti-
ment de pieté oseront le rejetter par
mespris, & le traiter à l’opposé de ce
qu’il merite. Chose que ie ne crains
aucunement luy deuoir arriuer, tant
pource que, despouillé comme il est de
tous interests particuliers il ne cher-
che que le bien & contentement d’vn
chacun, que pource que paroissant en
lumiere sous le bonheur de vostre
nom, il ne sera qu’vne partie de ce à
quoy il est obligé s’il publie vos
loüanges au nom de celuy qui vous
sera à iamais,
MONSIEVR,

Tres-humble & tres-affectionné
seruiteur M. VAEN LOCHOM.


Back to top ↑

References, across this site, to this page:

No references to this emblem or page found.